លោកស្នងការនគរបាលខេត្តតាកែវ ដឹកនាំកិច្ចប្រជុំណែនាំផែនការ ការពារសន្តិសុខ សណ្ដាប់ធ្នាប់ និងសុវត្ថិភាព ក្នុងឱកាសប្រារព្ធព្រះរាជពិធីច្រត់ព្រះនង្គ័ល
21-May-2019 | ដោយ ពលមនសិការ
តាកែវ៖ ព្រឹកថ្ងៃអង្គារ ៣រោច ខែពិសាខ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២១ ខែឧសភា ឆ្នាំ២០១៩ នៅសាលប្រជុំស្នងការដ្ឋាននគរបាលខេត្តតាកែវ មានរៀបចំកិច្ចប្រជុំណែនាំផែនការ ការពារសន្តិសុខ សណ្ដាប់ធ្នាប់ និងសុវត្ថិភាព ក្នុងឱកាសប្រារព្ធព្រះរាជពិធីច្រត់ព្រះនង្គ័ល ឆ្នាំ២០១៩ នៅខេត្តតាកែវ។
ពិធីនេះស្ថិតក្រោមអធិបតីភាពដ៏ខ្ពង់ខ្ពស់ លោក ឧត្តមសេនីយ៍ទោ សុខ សំណាង ស្នងការ នៃស្នងការដ្ឋាននគរបាលខេត្តតាកែវ ដោយមានការអញ្ជើញចូលរួមពីៈ លោក លោកស្រី ឧត្តមសេនីយ៍ត្រី វរសេនីយ៍ ជាស្នងការរង លោកនាយ នាយរងការិយាល័យជំនាញ លោកអធិការនគរបាលស្រុក-ក្រុងពាក់ព័ន្ធ និងលោកមេបញ្ជាការវរការពារព្រំដែនគោកលេខ៦០៣។
មានមតិនាឱកាសនោះដែរ លោក ឧត្តមសេនីយ៍ទោ ស្នងការ បានមានប្រសាសន៍ណែនាំដល់អស់លោកដែលមានសមាសភាពពាក់ព័ន្ធនៅក្នុងផែនការថ្នាក់ជាតិ និងផែនការគណៈបញ្ជាការឯកភាពរដ្ឋបាលខេត្តតាកែវ ត្រូវប្រមូលផ្តុំកម្លាំងតាមគោលដៅ ដើម្បីការពារសន្តិសុខ សណ្តាប់ធ្នាប់ និងសុវត្ថិភាព(មុនពេល ក្នុងពេល និងក្រោយពេល) នៃព្រះរាជពិធីច្រត់ព្រះន័ង្គល ក្រោមព្រះរាជអធិបតីភាពដ៏ខ្ពង់ខ្ពស់បំផុតព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នាថ្ងៃទី២២ ខែឧសភា ឆ្នាំ២០១៩ ស្អែកនេះនៅកីឡាដ្ឋានគិរីវង់សុខសែនជ័យ ស្ថិតនៅភូមិត្រពាំងអង្គ សង្កាត់រកាក្រៅ ក្រុងដូនកែវ ខេត្តតាកែវ ៕
ចំនួនអ្នកទស្សនា
- ថ្ងៃនេះ4911
- ម្សិលមិញ12101
- សប្តាហ៍នេះ17021
- ខែនេះ132171
- ឆ្នាំនេះ132171
- សរុប20574627